Shyǵys Qazaqstanda boranda jolda qalǵan 5 adam evakýatsııalandy

ÓSKEMEN. QazAqparat – Shyǵys Qazaqstan oblysy Ulan aýdanynda boranda qalǵan 5 adam evakýatsııalandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 21 jeltoqsanda saǵat 23.35 shamasynda Ulan aýdanyndaǵy Bozanbaı jáne Aqjartas aýyldarynyń arasynda «ÝAZ Patrıot» avtokóliginde otyrǵan 5 adam boranda qalǵan.

«Olar qutqarýshylarǵa habarlasyp, kómek surady. Oqıǵa ornyna kelgen Ulan aýdanynyń №13 órt sóndirý beketiniń qyzmetkerleri 5 adamdy jaqyn mańdaǵy Bozanbaı aýylyna jetkizdi. Azamattar sonda turatyn týystarynyń úıine ornalasty», - delingen aqparatta.

Aıta keteıik, TJD aımaqtaǵy qatty jel men boran týraly óńir jurtshylyǵyna aldyn ala eskertken bolatyn.

Qutqarýshylar halyqtan qolaısyz aýa raıynda eldi mekennen tys jerlerge barmaýyn suraıdy.