Shyǵys Qazaqstanda blokpostan mefedron alyp ótpek bolǵan kýrer ustaldy

RIDDER. QazAqparat - Shyǵys Qazaqstan oblysyndaǵy baqylaý-ótkizý beketinde psıhotroptyq zattary bar kýrer ustaldy, dep habarlaıdy Polisia.kz.

Saǵat 21:00 shamasynda Shyǵys Qazaqstan oblysynyń polıtsııa qyzmetkerleri prokýratýranyń úılestirýimen VAZ-21115 avtokóligin tizgindegen 22 jastaǵy oblys turǵynyn Rıdderge kireberiste ustady.

Kólikte konsol astynan ishinde untaq túrindegi zaty bar úsh zip-paket salynǵan polımerli paket tabyldy.

Saraptama qorytyndysy boıynsha tárkilengen zat jalpy salmaǵy 427,5 gramm mefedron psıhotroptyq zaty bolyp shyqty.

Dál sol jerden, konsol astynan, esirtkini kóterme satýshylarmen baılanys ornatylǵan uıaly telefon tabyldy.

Atalǵan fakti boıynsha QR Qylmystyq kodeksiniń 297-babynyń 3-bólimi boıynsha qylmystyq is qozǵaldy.

Іshki ister mınıstrligi Esirtki qylmysyna qarsy kúres departamenti bastyǵynyń orynbasary Asqar Muhametqalıev túsindirgendeı, ótken jyldyń qyrkúıek aıynan bastap mefedronnyń asa iri mólsheri bir grammdy quraıdy.

Bul sanktsııany aıtarlyqtaı qatańdatyp, múlkin tárkileýmen birge jazany 15 jylǵa bas bostandyǵynan aıyrýǵa deıin ulǵaıtady.

Qazirgi ýaqytta ustalǵan azamattyń qylmystyq baılanystary anyqtalýda.