Shyǵys Qazaqstanda bıyl orman órti 38 paıyzǵa artqan
Bul týraly búgin ShQO Aqparat ortalyǵynda ótken baspasóz máslıhaty barysynda oblystyq TJD bastyǵynyń orynbasary Serik Amangeldın málim etti.
«Osy jyly oblys boıynsha 72 orman órti tirkelgen. Bul kórsetkish ótken jyldyń sáıkes kezeńimen salystyrǵanda 38 paıyzǵa artqan. Jalpy aımaqta ormandardy qorǵaýdy 3 respýblıkalyq jáne 13 kommýnaldyq memlekettik orman sharýashylyǵy mekemeleri júzege asyrady», - deıdi ol.
Órt qaýipsizdigin qamtamasyz etý úshin óńirde azamattyq qorǵaý, polıtsııa qyzmetkerleri, ormanshylar jáne jergilikti atqarýshy organ ókilderi qatarynan 270-ten astam adamnan turatyn 46 birlesken mobıldi top qurylǵan. Olar 973 reıd júrgizip, órt qaýipsizdigi erejelerin buzýdyń 56 faktisin anyqtady. Onyń ishinde 27 adamǵa aıyppul salynǵan.
Sondaı-aq Shyǵys Qazaqstandaǵy órt sóndirý bólimsheleri joq eldi mekender úshin 44 órt sóndirý beketi, 935 adamnan turatyn 114 órtke qarsy erikti qurylym jumys isteýde.