Shyǵys Qazaqstanda bıyl kásipkerlerdi zańsyz tekserýdiń 22 faktisi anyqtaldy

ÓSKEMEN. QazAqparat – Shyǵys Qazaqstan oblysynyń prokýratýrasy jyl basynan beri kásipkerlerdi zańsyz tekserýdiń 22 faktisin anyqtady, dep habarlaıdy QazAqparat tilshisi.

ShQO prokýratýrasy baspasóz qyzmetiniń málimetine súıensek, jyl basynan beri oblys boıynsha bıznes ókilderin zańsyz tekserýdiń 22 faktisi anyqtalyp, memlekettik organdardyń 7 laýazymdy qyzmetkeri jaýapqa tartyldy.

«Oblystyń barlyq qala-aýdandarynda mobıldi toptar men «senim telefondary» táýlik boıy jumys istep tur. Qadaǵalaý qyzmetin tsıfrlandyrýdy keńeıtý sheńberinde óńir prokýratýrasynyń saıtynda búkil qajetti anyqtamalyq aqparatty qamtıtyn «Bıznesti qorǵaý» qosymshasy bar. Sondaı-aq QR-kod qoıylyp, oǵan zańbuzýshylyq faktileri nemese tolǵandyrǵan másele boıynsha mobıldi topqa jedel qońyraý shalýǵa nemese jazýǵa bolady», - delingen aqparatta.

Budan bólek, memlekettik satyp alý sharty boıynsha oryndalǵan jumystarǵa ýaqtyly aqy tólemeý faktileri tirkelip jatyr.

Prokýrorlar qabyldaǵan sharalardyń nátıjesinde 2022 jyldyń ekinshi jartyjyldyǵynan bastap osy kúnge deıin 213 kásipkerge 160 mln teńgeden astam bereshek óteldi.