Shyǵys Qazaqstanda bıyl aýqymdy jol qurylystary bastalady

ASTANA. QazAqaparat - Shyǵys Qazaqstanda bıyl aýqymdy jol qurylystary bastalady. Bul týraly búgin halyqpen eseptik kezdesýin ótkizgen QR Investıtsııalar jáne damý mınıstri Jeńis Qasymbek aıtty, dep habarlaıdy QazAqparat.

«Shyǵys Qazaqstan oblysynda Semeı-Qalbataý avtojolynyń bir bóliginiń jańǵyrtý jumystary qashan aıaqtalady? Osydan úsh jyl buryn Semeı men Qalbataý joly paıdalanýǵa berligen. Biraq, bir ýchaskesi qalyp, áli aıaqtalǵan joq. Endi ol qashan aıaqtalady», - dep surady mınıstrden Jarma aýdandyq máslıhatynyń depýtaty Aıgúl Sahmetjanova.

Jeńis Qasymbek Qalbataý men Semeıdiń eki arasy 150 shaqyrym ekendigin, onyń 36 shaqyrymdy quraıtyn bir ýchaskesinde jóndeý jumystarynyń aıaqtalmaǵandyǵyn moıyndady.

«Ol ýchaskeniń merdigeri osy jyly anyqtaldy. Endi aldaǵy úsh jyldyń ishinde ol qurylys jumystar bitedi. Biraq Qalbataýdan osy jyly úsh baǵytta jumystardy bastaǵaly otyrmyz. Ol - Qalbataýdan Óskemenge, Qytaı baǵytynda Maıqapshaǵaıǵa jáne Aıagóz ben Taldyqorǵanǵa baratyn jol. Jalpy Shyǵys Qazaqstan oblysy boıynsha úlken-úlken jol salý jumystary bastalady»,- dedi mınıstr.