Shyǵys Qazaqstanda bıyl 200-den astam kásiporyn bankrotqa ushyrady
Osy jyldyń toǵyz aıynda óńir boıynsha 208 kásiporyn taratyldy. Onyń basym bóligi - saýda salasynan.
ShQO memlekettik kirister departamenti basshysynyń orynbasary Erik Tatýbaevtyń aıtýynsha, bul ótken jylmen salystyrǵanda 4 ese kóp.
«2019 jyly «Ońaltý jáne bankrottyq týraly« QR Zańyna tolyqtyrýlar men ózgerister engizilgen. Oǵan sáıkes boryshkerdiń bankrottyq rásimin qozǵaı otyryp, kásiporyndy bankrot dep taný jáne taratý týraly ótinish berýge – onyń turaqty tólem qabiletsizdigi negiz bola alady. Kredıtordyń boryshkerdi bankrot dep taný týraly sotqa ótinish berýi úshin zańdy kúshine engen sot aktisi negiz bola alady», - dedi ol.
Buryn ótinishti qaraý merzimi bir aıdy qurasa, endi jańa ózgeristerge baılanysty eki aıǵa sozylady.
«Osy rette sottyń boryshkerdi bankrot dep tanýdan bas tartýy ony bankrot dep taný týraly ótinishti qaıta berý quqyǵynan aıyrmaıdy. Al ońaltý rásimin qoldanýdan bas tartylǵan jaǵdaıda boryshker ótinishti eki jyl ótkennen keıin ǵana qaıta bere alady», - dep túsindirdi Erik Tatýbaev.