Shyǵys Qazaqstanda bıyl 149 kólik órtendi

ÓSKEMEN. QazAqparat – Shyǵys Qazaqstan oblysynda jyl basynan beri 149 kólik órtendi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha bıyl 149 kólik otqa oranǵan. Sonyń saldarynan kólik ıelerine keltirilgen materıaldyq shyǵyn mólsheri – 32 mıllıon teńgeden asyp otyr.

Sońǵy órt 3 qarasha kúni Jarma aýdanynda boldy. «Omby-Maıqapshaǵaı» tasjolynda kele jatqan 2014 jylǵy «Chacman» markaly júk kóligi janǵan.

«Tilsiz jaý qozǵaltqyshtyń janǵysh bólshekterin, aspaptar panelin, salonnyń ishki qaptamasy men dońǵalaqtardyń aldyńǵy qaqpaqtaryn sharpydy. Qutqarýshylar oqıǵa ornyna shuǵyl kelip jetti. Kóp uzamaı jalpy aýdany 4 sharshy metrdi quraǵan qyzyl jalyn tolyqtaı aýyzdyqtaldy», - dep habarlady vedomstvo ókilderi.