Shyǵys Qazaqstanda bıyl 1125 kópbalaly otbasyna baspana berildi
Aımaq basshysy Danıal Ahmetov jumys saparymen Aıagóz aýdanynda bolyp, «Birqabatty Shyǵys» baǵdarlamasy aıasynda salynǵan 20 úıdiń kiltin tabystady.
Jańa páterlerdi kópbalaly otbasylar, muǵalimder men dárigerler aldy.
«Aıagóz aýdany osy baǵdarlamany júzege asyrý boıynsha kósh basynda tur. Onda 182 úı salyndy. Bul Jańa aýyl dep atalatyn jańa aýdan, onda barlyq qajetti kommýnıkatsııalar, jol men jaryq bar», - dedi oblys ákimi.
Onyń aıtýynsha, 2020 jyly kópbalaly otbasylarǵa 1049 páter berilgen. Al bıyl 1125 kópbalaly januıa qonys toıyn toılady.
«Aıagóz turǵyndary úshin taǵy bir jaǵymdy jańalyq - bir jyldyń ishinde salynǵan stýdentter jataqhanasynyń ashylýy boldy. Ol taý-ken metallýrgııasy jáne basqa da ónerkásip salalary, sonyń ishinde Aqtoǵaı KBK salasynda mamandar daıarlaıtyn polıtehnıkalyq kolledj stýdentterine arnalǵan. Jataqhana jaıly, óziniń sportzaly, erekshe qajettilikteri bar stýdentterge arnalǵan bólmeleri bar», - dedi Danıal Ahmetov.