Shyǵys Qazaqstanda bir kúnde 4 órt sóndirildi
ShQO Tótenshe jaǵdaılar departamenti baspasóz qyzmetiniń málimetine súıensek, 1 qyrkúıekte Altaı aýdanyndaǵy Panfılov kóshesinde 3 qabatty kirpishten salynǵan kóppáterli úıde órt shyqqan. Birinshi qabattaǵy páterde esik, jıhaz ben turmystyq tehnıka jandy. Oqıǵa ornyna kelip jetken órt sóndirýshiler jalpy aýdany 6 sharshy metrdi quraǵan tilsiz jaýdy aýyzdyqtady.
«Sondaı-aq Semeı qalasyndaǵy B.Momyshuly kóshesinde 1994 jylǵy «Folksvagen passat» markaly avtokólik júrip kele jatyp janǵan. Qutqarýshylar órtti sóndirdi. Ottyń shyǵý sebebi - qaýiptiligi joǵary agregatpen abaısyz jumys atqarý», - delingen aqparatta.
Taǵy bir órt Vostochnyı kentinde bolǵan. Jer úı jabynynyń aǵash qurylymdary, jıhaz, jeke zattar jáne turmystyq tehnıka órtendi. Órt sóndirýshiler 1 gaz ballonyn syrtqa alyp shyǵyp, 15 sharshy metr alańdaǵy otty óshirdi. Órttiń shyǵý sebebi – elektr jabdyqtaryn montajdaý jáne paıdalaný kezinde qaýipsizdik talaptaryn saqtamaý. Budan bólek, Rıdder qalasynda ornalasqan saıajaı aýlasyndaǵy jazǵy as úıdi qyzyl jalyn sharpyǵan.
Aıta keteıik, jyl basynan beri Shyǵys Qazaqstanda 984 órt tirkelgen.