Shyǵys Qazaqstanda bir aıda 851 qylmys ashyldy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri sońǵy bir aıda 851 qylmysty ashty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńir aýmaǵynda 15 qańtardan bastap «Quqyqtyq tártip» jedel aldyn alý sharasy júrgizilýde.

Sol ýaqyttan beri tártip saqshylary 851 qylmysty ashty. Jedel ýákilder izdeýde júrgen 12 adamdy tapqan. Barlyǵy 11 000 astam ákimshilik quqyq buzýshylyq anyqtaldy.

«Onyń ishinde mas kúıde kólik aıdaǵandar da tirkeldi. Máselen, polıtsııa qyzmetkerleri 34 jastaǵy Kókpekti aýdanynyń turǵyny tizgindep kele jatqan avtokólikti toqtatqan. Er adam buryn kólik júrgizý quqyǵynan aıyrylsa da rýlge otyrǵan. Júrgizýshige qatysty QR ÁQBtK-niń 612-baby 4-bóligine sáıkes hattama toltyryldy», - dedi oblystyq PD Jergilikti polıtsııa qyzmeti basqarmasynyń bastyǵy Talǵat Nurıev.

Sot sheshimimen azamatqa 214 410 teńge aıyppul salynǵan.