Shyǵys Qazaqstanda bir aıda 23 egiz dúnıege keldi
19:14, 03 Aqpan 2022
ÓSKEMEN. QazAqparat – Shyǵys Qazaqstan oblysynda dúnıege kelgen egiz balalar sany artty, dep habarlaıdy QazAqparat tilshisi.
ShQO densaýlyq saqtaý basqarmasy baspasóz qyzmetiniń málimetine súıensek, osy jyldyń basynan óńir boıynsha jaryq dúnıe esigin ashqan egiz sany byltyrǵy kezeńmen salystyrǵanda birshama artty.
«Ótken jyly oblysta 200 egiz jáne eki úshem dúnıege kelgen. Al 2022 jyldyń bir aıynda 23 egiz jáne 1 úshemniń kindigi kesildi. Jalpy sońǵy bir jylda Shyǵys Qazaqstanda barlyǵy 22 596 bala týdy», - delingen aqparatta.
Esterińizge sala ketsek, óńirde «Ańsaǵan sábı» baǵdarlamasy boıynsha EKO arqyly tuńǵysh náreste jaryq dúnıe esigin ashqan bolatyn.