Shyǵys Qazaqstanda barlyq tabıǵı órtter sóndirildi

ASTANA. QazAqparat - Ormanshylardyń, órt sóndirýshilerdiń jáne jergilikti atqarýshy organdardyń birlesken kúsh-jigeriniń arqasynda Ulan aýdanyndaǵy Prımorsk ormanshylyǵynda jáne Glýbokoe aýdanyndaǵy Komsomol ormanshylyǵynda (Óskemen qalasynyń sheti) qurǵaq ósimdikterdiń janýy toqtatyldy, dep habarlaıdy QazAqparat.

«26 maýsymynan bastap Ulan aýdanynda jalpy aýdany 5 ga bolatyn órtpen kúresip, al 27 maýsym saǵat11.00-den bastap Óskemen qalasynyń shetindegi órtpen arpalysyp, jalpy aýdany 14,2 ga órt sóndirildi», - dep jazdy Tótenshe jaǵdaılar mınıstrliginen.

Esterińizge sala ketsek, bul eki órtti sóndirýdi taýly, jartasty jerler men qatty soqqan jeldiń ekpini qıyndatyp, jaǵdaıdy ýshyqtyrdy, órt birden úlken aýmaqqa tarady.

Qol jetpeıtin jerlerde órtterdi sóndirý úshin ShQO áýe bólimshesiniń tikushaqtary qoldanyldy. Áýe bólimshesi 7 ret sý tókti, osylaısha órttiń taralýyna jol bermedi.

Ádette, mundaı órtter turǵyndardyń otqa nemquraıly qaraýynan bolady.