Shyǵys Qazaqstanda Azııa chempıonatyna daıyndyq qyzý júrgizilýde

ÓSKEMEN. QazAqparat - Óskemende aldaǵy ýaqytta voleıbol oıyndarynan áıelder arasynda ótkiziletin halyqaralyq  Azııa chempıonatyna daıyndyq jumystary qyzý júrgizilip jatyr, dep habarlaıdy «QazAqparat» HAA tilshisi.

Arnaıy mamandar iri sporttyq  jarysty ótkiziletin Sport saraıyn materıaldyq-tehnıkalyq jabdyqtaý  jumystarymen aınalysyp jatyr.

Óńir basshysy Danıal Ahmetov mamandar muzdy eritip, arnaıy jabyndyny tósep úlgergen týrnır ótkiziletin  negizgi sport nysanyndaǵy daıyndyq jumystarymen tanysty. Sondaı-aq bul jerde jaryq quraldary aýystyrylyp, zal syrlandy, avtokólik turaǵyna jóndeý jumystary júrgizilip, jańa zamanaýı ekran ornatyldy.  

Oblystyń bas sport ǵımaratyna bir sátte 4 myńǵa jýyq kórermen syıyp ketedi. Uıymdastyrýshylardyń aıtýynsha, jarysqa kirý tegin.

Eske sala keteıik, 25-31 mamyr kúnderi Shyǵys Qazaqstan oblysy ortalyǵynda Azııa kontınentindegi úzdik sportshylardyń qatysýymen voleıboldan halyqaralyq Azııa chempıonaty ótkiziledi. 8 komanda qatysatyn jarysta  2017 jylǵy respýblıkalyq týrnırde jeńimpaz atanǵan shyǵys qazaqstandyq «Altaı» voleıbol komandasy Qazaqstannyń namysyn qorǵamaqshy.