Shyǵys Qazaqstanda 700 myńnan astam adam vaktsına aldy

ÓSKEMEN. QazAqparat – Shyǵys Qazaqstan oblysynda 700 myńnan astam adam koronavırýsqa qarsy vaktsına aldy, dep habarlaıdy QazAqparat tilshisi.

ShQO Densaýlyq saqtaý basqarmasynyń málimetine súıensek, óńir boıynsha 713 myń adam COVID-19 ınfektsııasyna qarsy vaktsınanyń tolyq kýrsyn aıaqtady. Al 840 myń adam ekpeniń birinshi komponentin saldyrǵan. Qazirgi ýaqytta aımaqta vaktsınanyń úsh túri bar, atap aıtqanda Spýtnık V, QazVac, Sinopharm.

«1 aqpannan bastap oblysqa koronavırýsqa qarsy ekpeniń 1,7 mıllıonǵa jýyq dozasy jetkizildi. Onyń ishinde birinshi komponenttiń 868 myń, ekinshi komponenttiń 831 myń dozasy bar. Qazirgi ýaqytta egý pýnktterinde birinshi komponenttiń 28 myń dozasy, ekinshi komponenttiń shamamen 118 myń dozasy qaldy», - delingen aqparatta.

Buǵan deıin Shyǵys Qazaqstannyń 747 myń turǵynyna vaktsına saldyrý josparlanǵan bolatyn. Osylaısha, aımaq vaktsınatsııalaý josparyn 95 paıyzǵa aıaqtady.