Shyǵys Qazaqstanda 38 mln teńgeni jymqyryp, qashyp ketken esepshi áıel ustaldy
11:44, 06 Jeltoqsan 2019
NUR-SULTAN. QazAqparat - Shyǵys Qazaqstanda izdeýde júrgen medıtsınalyq mekemeniń bas esepshisi ustaldy, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Shyǵys Qazaqstan oblysynda sotqa deıingi tergeý boıynsha asa iri mólsherde aqsha jymqyrdy degen kúdikpen halyqaralyq izdeýde júrgen Menovnoe aýyly dárigerlik ambýlatorııasynyń bas esepshisi ustalyp, Óskemen qalasy polıtsııa basqarmasynyń ýaqytsha ustaý ızolıatoryna qamaldy.
«Ol 38 mln teńge mólsherindegi bıýdjet qarajatyn óziniń kartochkalyq shotyna zańsyz aýdarý arqyly aqsha urlady degen kúdikke ilinip otyr. Qazirgi ýaqytta atalǵan fakt boıynsha tergeý júrip jatyr. Basqa aqparat tergeý múddesine baılanysty jarııalanbaıdy» delingen habarlamada.
Kúdiktige qatysty sońǵy sheshimdi sot shyǵarady.