Shyǵys Qazaqstanda 36 jylqy urlaǵan er adam Astanadan ustaldy
ShQO polıtsııa departamenti baspasóz qyzmetiniń málimetine súıensek, qyrkúıek aıynyń basynda polıtsııaǵa habarlasqan azamat Tarbaǵataı aýdanynda erkin jaıylymnan 36 bas jylqysynyń urlanǵanyn aıtty.
Atalǵan fakti boıynsha birden jedel-tergeý toby qurylǵan.
«22 qyrkúıekte Zaısan aýdanynyń aýmaǵynda urlanǵan maldyń júrgen jeri anyqtalyp, ol jábirlenýshige qaıtarylǵan. Kóp uzamaı osyǵan jáne basqa da uqsas qylmystarǵa 63 jastaǵy er adamnyń qatysy bar ekendigi belgili boldy. Alaıda Zaısan aýdanynyń turǵyny tártip saqshylarynan jasyrynǵan. 5 qazannan bastap oǵan memleketaralyq izdeý jarııalandy», - delingen aqparatta.
Іzdestirý sharalaryn ótkizý barysynda Astana qalasynyń polıtseıleri atalǵan azamatty ustady. Qazirgi ýaqytta kúdikti elordadaǵy tergeý ızolıatoryna qamaýǵa alǵan.
«Kúdikti 2018-2022 jyldar aralyǵynda Tarbaǵataı aýdanynyń aýmaǵynda 6 ret mal urlaǵan. Búginde jábirlenýshilerge buryn urlanǵan 70 bas mal qaıtaryldy. QR QK 188-baby boıynsha sotqa deıingi tergeý amaldary júrgizilýde», - delingen habarlamada.