Shyǵys Qazaqstanda 277 kásiporyn bankrot dep tanyldy

ÓSKEMEN. QazAqparat – Shyǵys Qazaqstan oblysynda 277 kásiporyn bankrot dep tanyldy, dep habarlaıdy QazAqparat tilshisi.

Óńirde sońǵy bir jylda 277 kásiporyn bankrot dep tanylyp, 25 kásiporynǵa qatysty ońaltý rásimi qoldanylǵan.

Bul týraly búgin oblystyq aqparat ortalyǵynda ótken baspasóz máslıhaty barysynda ShQO boıynsha memlekettik kirister departamentiniń ókili málim etti.

«Bankrottyq boryshkerdiń, kredıtorlardyń nemese ózge de ýákilderdiń sotqa bergen ótinishi negizinde erikti túrde belgilenedi. Sotqa júginý úshin turaqty tólem qabiletsizdigi, al boryshkerdi sot tártibimen bankrot dep jarııalaý úshin onyń dármensizdigi negiz bola alady. Rásimdi ótkizý merzimi 9 aıdy quraıdy, al qandaı da bir negizder bolǵan jaǵdaıda 2 jylǵa deıin uzartylýy múmkin», - deıdi departamenttiń ońaltý jáne bankrottyq bóliminiń basshysy Saıran Ýalıbekova.

Onyń aıtýynsha ońaltý - sot tártibimen qoldanylatyn rásim.

Sonyń sheńberinde boryshkerge tólem qabilettiligin qalpyna keltirýge baǵyttalǵan QR zańnamasyna qaıshy kelmeıtin quqyqtyq jáne ózge de sharalar qoldanylady.