Shyǵys Qazaqstanda 20 pornografııalyq saıt anyqtaldy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri «Anti-fraud» jedel aldyn alý sharasyn júrgizýde, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Anti-fraud» sharasynyń maqsaty – aqparattyq tehnologııany qoldaný arqyly jasalatyn alaıaqtyqtyń aldyn alý jáne jolyn kesý. Eki kún ishinde tártip saqshylary jedel-izdestirý is-sharalary barysynda 11 qylmysty ashty.

«Sondaı-aq buryn jasalǵan 30 qylmystyq is aıaqtaldy. Internette jasalǵan monıtorıng jumystary nátıjesinde 20 pornografııalyq saıt anyqtalǵan», - dedi ShQO PD bastyǵy Saǵat Mádıev.

Osy rette, departament ókilderi turǵyndarǵa barynsha abaı bolyp, beıtanys adamdarǵa aqsha aýdarmaı, óz bank kartańyzdyń derekterin eshkimge jibermeý qajettigin eskertedi.