Shyǵys Qazaqstanda 170 myńnan astam bala Pfizer vaktsınasyn saldyrdy

ÓSKEMEN. QazAqparat – Shyǵys Qazaqstan oblysynda 170 784 bala Pfizer vaktsınasyn saldyrdy, dep habarlaıdy QazAqparat tilshisi.

ShQO densaýlyq saqtaý basqarmasy baspasóz qyzmetiniń málimetine súıensek, óńirde jasóspirimderge, júkti jáne bala emizetin áıelderge Pfizer ekpesin salý naýqany belsendi júrgizilýde.

«Búgingi tańda atalǵan vaktsınany 191 073 adam aldy. Onyń ishinde 12-18 jas aralyǵyndaǵy bala sany – 170 784. Olardy vaktsınalaý tek ata-anasynyń ruqsatymen júrgizilýde. Sondaı-aq 5314 júkti jáne 14 975 bala emizetin áıel ekpe saldyrǵan», - delingen aqparatta.

Budan bólek, oblysta 60 jastan asqan qarttar men medıtsına qyzmetkerleri Pfizer ekpesimen revaktsınatsııadan ótýde.

Qazir osy sanattaǵy 11 731 adam úshinshi ret vaktsına alyp otyr.

Esterińizge sala ketsek, osyǵan deıin Shyǵys Qazaqstandaǵy statsıonarlarda 400-ge jýyq adam emdelip jatqany habarlanǵan.