Shyǵys Qazaqstanda 150 kandıdat aýyl ákimi saılaýyna ózin-ózi usynǵan

ÓSKEMEN. QazAqparat - Shyǵys Qazaqstan oblysynyń saılaý okrýgterinde 235 kandıdat tirkeldi. Onyń 85 (36,2%) – saıası partııalar, 150 (63,8%) - ózin-ózi usynǵandar, dep habarlaıdy QazAqparat ShQO aqparat ortalyǵyna silteme jasap.

- Ortasha báseke - 3 adamnan. Eń kóp 4 kandıdat – Úrjar aýdanynyń Maqanshy aýyldyq okrýginde, Katonqaraǵaı aýdanynyń Belqaraǵaı aýyldyq okrýginde, Glýbokoe aýdanynyń Ýshanov aýyldyq okrýginde, Abaı aýdanynyń Arhat aýyldyq okrýginde. Qalǵan 73 saılaý okrýgterinde – 3 kandıdattan tirkeldi, - deıdi Shyǵys Qazaqstan oblystyq saılaý komıssııasynyń tóraǵasy Ersaıyn Nábıev.

Saıası partııalar usynǵan 76 saılaý okrýgi boıynsha tirkelgen kandıdattar: «NurOtan» partııasy - 61 kandıdat, «Aýyl» HDSP - 18 kandıdat, «Ak Jol» QDP - 1 kandıdat, «ADAL» SP - 3 kandıdat, QHP - 1 kandıdat, JSDP - 1 kandıdat.

- Oblystyń 76 saılaý okrýginde 6 saıası partııa usynylǵan: 11 saılaý okrýginde – 2 saıası partııadan, 65 saılaý okrýgterinde – 1 saıası partııa, 1 saılaý okrýginde – ózin-ózi usynǵandar boldy, - deıdi Shyǵys Qazaqstan oblystyq saılaý komıssııasy tóraǵasynyń orynbasary Janar Alqanova.

Tirkeýden ótken 235 kandıdattyń 168-i - memlekettik qyzmetshiler.

Sondaı-aq, 48 kandıdat aýyldyq okrýgte ákim laýazymyna qaıta usynylǵandar, 3 kandıdat basqa aýyldyq okrýgterde ákim nemese buryn ákim bolǵandar.

- Sońǵy jumys orny memlekettik qyzmetpen baılanysty emes 67 kandıdat memlekettik qyzmet salasyndaǵy zań talaptarynyń sáıkestiginen ótti. Onyń 9 - kommertsııalyq sala ókilderi, 52 - bıýdjet salasynyń qyzmetkerleri, 2 - ýaqytsha jumyssyz, 1 - úkimettik emes uıymdar, 3 – basqalar, - deıdi Ersaıyn Nábıev.

235 kandıdattyń 174 (74,5 paıyzy) – er adamdar, 61 (25,5 paıyzy) – áıel adamdar.

Kandıdattardyń ortasha jasy - 44 jas, eń jas kandıdat – 26 jasta, jasy eń úlkeni – 61 jasta.

Aýyldyq okrýgterden 90 kandıdat usynylyp otyr. 130 - sol aýdanda, 14 - oblysta turatyndar. Basqa óńirden qatysyp otyrǵan - 1, ol sol aýyldyq okrýgtiń týmasy.