Shyǵys Qazaqstanda 130-ǵa jýyq dáriger jetispeıdi
Oblys boıynsha dáriger tapshylyǵy sezilýde. Bul týraly Óńirlik kommýnıkatsııalar qyzmetinde ótken baspasóz brıfıngi barysynda ShQO Densaýlyq saqtaý basqarmasy basshysynyń orynbasary Aınash Qapanova málim etti.
«Shyǵys Qazaqstan boıynsha 130-ǵa jýyq dáriger jetispeıdi. Maman tapshylyǵy máselesin sheshý úshin jyl saıyn medıtsınalyq uıymdardyń basshylary men qalalar men aýdandar ákimderiniń orynbasarlary eldegi medıtsınalyq joǵary oqý oryndarynyń bos jumys oryndary jármeńkesine qatysýda. Sondaı-aq aýylǵa jumysqa kelgen jas mamandarǵa kóterme qarajat pen qyzmettik turǵyn úı berý kózdelgen. Bıyl «Birqabatty Shyǵys» baǵdarlamasy boıynsha dárigerlerge 20 jeke turǵyn úı bólý josparlanyp otyr», - deıdi ol.
Onyń aıtýynsha, osy jyly Ulan aýdany Qasym Qaısenov kenti men Zaısan aýdany Zaısan qalasynda emhana, Óskemen qalasy Ahmırovo aýylynda dárigerlik ambýlatorııa boı kóteredi.
«Jalpy 2023-2024 jyldary óńir boıynsha 36 jańa medıtsınalyq nysan salynady. Atap aıtqanda, 7 dárigerlik ambýlatorııa, 2 feldsherlik akýsherlik jáne 27 medıtsınalyq pýnkt ashylmaq», - deıdi A.Qapanova.