Shyǵys Qazaqstanda 127 myńǵa jýyq adam áli MÁMS júıesine tirkelmegen

ÓSKEMEN. QazAqparat – Shyǵys Qazaqstan oblysynda 127 myńǵa jýyq adam áli kúnge deıin MÁMS júıesinde saqtandyrylmaǵan, dep habarlaıdy QazAqparat tilshisi.

Áleýmettik medıtsınalyq saqtandyrý qory ShQO boıynsha fılıaly baspasóz qyzmetiniń málimetine súıensek, jyl basynan beri óńirdegi medıtsınalyq uıymdar jumysynan anyqtalǵan kemshilikter az emes. Máselen, olar patsıentterge kórsetilmegen 130 medıtsınalyq qyzmetti kórsetildi dep jalǵan kórsetken.

«Aq halattylardyń medıtsınalyq qyzmettiń kólemin negizsiz asyra baǵalaýyna jol bermes úshin úzdiksiz monıtorıng júrgizilýde. Sonyń nátıjeleri boıynsha bıyl 14 939 aqaý anyqtaldy. Asyra baǵalanǵan soma – 35 mln teńgeden asady», - deıdi fılıal dırektory Nurlan Qidirbaev.

Onyń aıtýynsha, taǵy bir ózekti másele – halyqtyń biraz bóliginiń MÁMS júıesinde áli saqtandyrylmaýy. Qazirgi tańda oblys boıynsha osyndaı 127 myńǵa jýyq adam bar.

«Turǵyndarǵa jan-jaqty túsindirý jumystary júrgizilýde. MÁMS júıesinde jyl saıyn medıtsınalyq qyzmet kórsetý kólemi keńeıip kele jatyr. Biz úshin patsıent pen onyń qajettilikteri basty orynda», - deıdi N.Kidirbaev.