Shyǵys Qazaqstanda 123 eldi mekendi sý tasqynynan qorǵaý sharalary júrgizilýde

ASTANA. QazAqparat - Shyǵys Qazaqstan oblysynda «2017-2020 jyldarǵa arnalǵan sý tasqyny qaýpiniń aldyn alý jáne joıý boıynsha is-sharalar kesheni» Jol kartasy jobasy ázirlendi. Joba aıasynda 123 is-sharany júzege asyrý kózdeledi, dep habarlaıdy QazAqparat oblystyq Tótenshe jaǵdaılar departamentine silteme jasap.  

         Boljanǵan jumystar oblystaǵy 17 aýdan men qaladaǵy 123 eldi mekenniń qorǵanysyn qamtamasyz etýge múmkindik beredi.

         Kartada bógetterdi salý, sý qoımalary jaǵalaýlaryn bekitý, ózenderdiń túbin tereńdetý jáne arnasyn túzeý, jaǵalardy qalypqa keltirý, eldi mekenderdegi drenaj-káriz júıesin qalypqa keltirý, kópirler men sý ótkizý qurylymdaryna jóndeý júrgizý, respýblıkalyq nemese kommýnaldyq teńgerimdegi gıdrotehnıkalyq qurylymdardy qalypqa keltirý boıynsha jumystardy oryndaý boıynsha is-sharalar kesheni bar.

         «Qazirgi tańda jergilikti bıýdjet esebinen 8 is-shara oryndaldy. Mysaly sý qoımasynyń túbin tereńdetý jumystary Shemonaıha aýdanyndaǵy Ýba ózeninde 4 jerde, Katonqaraǵaı aýdanyndaǵy Solonchovka ózeninde, sondaı-aq Ulan aýdany Qosbulaq ózeninde júrgizildi. Úrjar aýdany Keldimurat aýylyndaǵy kópirge jeńil jóndeý jumystary jasalyp, Abaı aýdanyndaǵy Qundyzdy ózeniniń jaǵasy bekitildi. Oryndalǵan sharalar sý tasqyny kezinde shamamen 200 adam turatyn 8 eldi mekenniń qaýipsizdigin qamtamasyz etedi», - delingen taratylǵan habarlamada.

         Qalalar men aýdandar ishindegi eldi mekenderde ózen arnalaryn, aryqtardy, sý ótkizý qubyrlaryn tazalaý boıynsha is-sharalar júrgizilýde.

         Jol katasyn iske asyrý jumystary jalǵasýda.