Shyǵys Qazaqstan oblysynda júk poıyzy 8 jylqyny qaǵyp ketti

ASTANA. QazAqparat - Shyǵys Qazaqstan oblysynda júk poıyzy 8 jylqyny qaǵyp ketti, – dep habarlaıdy Polisia.kz.

5 jeltoqsanda saǵat 07:17-de Shyǵys Qazaqstan oblysynyń «Korshýnova-Cheremshanka» aralyǵynda júk poıyzynyń mashınısi temir jolda júrgen jylqy úıirin baıqap, soqtyǵysýdy boldyrmaýǵa tyrysyp, shuǵyl tejeýdi basqan. Alaıda apattyń aldyn alý múmkin bolmady. Sonyń saldarynan poıyz 8 jylqyny qaǵyp ketti.

Poıyz oqıǵaǵa baılanysty 19 mınýt kidirdi. Bul týraly QR ІІM Kóliktegi polıtsııa departamenti bastyǵynyń birinshi orynbasary Madııar Aıtýǵanov málimdedi.

M.Aıtýǵanovtyń aıtýynsha, oqıǵa ornyna Rıdder stantsııasyndaǵy Jelilik polıtsııa bólimshesiniń qyzmetkerleri birden jetti. Ótkizilgen tıisti is-sharalardyń nátıjesinde úı janýarlarynyń ıesi, ShQO Glýbokoe aýdanynyń 33 jastaǵy turǵyny anyqtaldy.

Foto:polisia.kz