Shyǵys Qazaqstan oblysynda meshit pen shirkeýge barýǵa tyıym salyndy

ÓSKEMEN. QazAqparat – Qazirgi kezde Shyǵys Qazaqstan oblysynyń dinı ǵımarattaryna barýǵa shekteý qoıylyp, meshitter men shirkeýlerde dinı rásim ótkizýge tyıym salynǵan, dep habarlaıdy QazAqparat ShQO aqparat ortalyǵyna silteme jasap.

Buǵan deıin aımaq basshysy Danıal Ahmetov oblystaǵy dinı konfessııa ókilderimen kezdesý ótkizip, onda koronavırýstyń aldyn alý maqsatynda engizilgen ýaqytsha shekteý sharalary talqylanǵan.

Dinı birlestik basshylary Shyǵys Qazaqstan oblysy turǵyndarynan engizilgen ýaqytsha shekteýlerge túsinistikpen qaraýdy surap, olardyń árbir otbasy men el bolashaǵyn qaýipten saqtaý úshin qoldanyp otyrǵan shara ekenin túsindirdi. ShQO bas ımamy Ermek Muqataı men Óskemen jáne Semeı epıskopy Amfılohıı dinge senetin adamdarǵa úıde duǵa etý jóninde keńes berdi.

Qazirgi kezde dinı ǵımarattarda tek dinı birlestik basshylary men tehnıkalyq jumyskerler bar. Ǵımarat bólmeleri kún saıyn dezınfektsııalanýda.

Din isteri jónindegi basqarmanyń málimetinshe, ótkizilgen monıtorıng oblys turǵyndarynyń engizilgen shekteýlerge úlken jaýapkershilikpen qaraǵanyn kórsetti.