Shyǵys Qazaqstan oblysynda aýyl oqýshylary kóz protezin jasady
Naýryz kezdesýlerindegi erekshe jobalardyń biri – kóz protezi. Jasandy kózdi Shyǵys Qazaqstan oblysy Marqakól aýylyndaǵy №1 orta mektep oqýshylary oılap tapqan. Darııa Mustafına men Ámir Saıranov jobalaryn Naýryz kezdesýlerinde Oqý-aǵartý mınıstrine tanystyrdy.
«Jasandy kózdi úndi robototehnıgi Kantı Sharmanyń úlgisimen qurastyrdyq. Bul jobany jasaýǵa ózimizdiń synyptasymyzdyń jaǵdaıy túrtki boldy», - deıdi olar.
Oqýshylar jobany 2 aıda jasap shyqqan. Endi olar ekinshi kóz protezin jasap, onyń mı neırondarymen baılanysyn zerttemek.
Aıta keteıik, 15-17 naýryz aralyǵynda zamanaýı ǵylymnyń eń ózekti taqyryptaryna arnalǵan ǵylymı jobalardyń kóktemgi baıqaýy ótip jatyr. 150 jas ǵalym jasandy ıntellekt, robototehnıka, mashınalyq oılaý jáne densaýlyq saqtaýdy engizý boıynsha júzden astam jobany usynady.
Elimizdiń barlyq óńirlerinen 17 tirek aýyl mektebiniń oqýshylary óz jumystaryn tanystyrady. Olar 3D bıoprıntıngke, aqyldy protezder jasaýǵa, bıoınterfeısterge jáne zamanaýı medıtsınanyń basqa da ózekti basymdyqtaryna arnalǵan.