Shyǵys Qazaqstan oblysynda 80 oryndyq mektep ashyldy

ÓSKEMEN. QazAqparat - QR Táýelsizdik kúni qarsańynda Shyǵys Qazaqstan oblysy Kúrshim aýdany Úshbulaq aýylynyń turǵyndaryna jańa mektep tartý etildi. Mundaı syıdy aýyl turǵyndary uzaq kútken edi, sondyqtan 80 oryndyq mekteptiń paıdalanýǵa berilýi aýyldaǵy aıtýly oqıǵaǵa aınaldy.

Munda jaryq ári keń kabınetter, úlken akt jáne sport zaldary, ashana, kitaphana, arnaıy kompıýter klasstary bar. Barlyq qajetti quraldarmen jabdyqtalǵan hımııa, bıologııa, fızıka synyptarynda oqýshylar zertteý jumystarymen aınalysa alady. Interaktıvti taqtalar men mýltımedııalyq keshender de muǵalimder men oqýshylardyń qolynda. Bilim berý mekemesin salýǵa 240 mıllıon teńgeden astam qarjy jumsaldy.

Mekteptiń saltanatty ashylý rásimine kelgen ShQO ákiminiń birinshi orynbasary Nurymbet Saqtaǵanov aýdan turǵyndaryn quttyqtady. Aýyl turǵyndary jańa mekteptiń balalarǵa jańa múmkindikter ashatynyna senimdi, sebebi mektep tehnıkanyń sońǵy túrlerimen jasalǵan.

Táýelsizdik jyldary Shyǵys Qazaqstanda 170 bilim berý nysany - 138 mektep jáne 32 balabaqsha turǵyzyldy.