Shyǵys Qazaqstan oblysyna Qytaıdan gýmanıtarlyq kómek keldi
ShQO Aqparat ortalyǵynyń málimetine súıensek, shekaralas Shyńjań-Uıǵyr avtonomııalyq aýdany Shyǵys Qazaqstan oblysyna qaıtarymsyz kómek retinde gýmanıtarlyq júk jiberdi.
«Aımaqqa 3 myń qorǵanys kıimi, 6 myń medıtsınalyq maska, 63 myń hırýrgııalyq jáne 10 myń jup medıtsınalyq qolǵap ákelindi. Jetkizilgen júk óńirde koronavırýspen kúreste aldyńǵy qatarda jumys isteıtin medıtsına qyzmetkerlerine beriledi. Osylaısha, oblys boıynsha jeke qorǵanys quraldarynyń qory eki aıǵa tolyqtaı qamtamasyz etildi», - delingen málimette.
QHR ShUAR Tachen okrýginiń úkimeti Shyǵys Qazaqstan oblysynyń turǵyndaryna indetti jetip, qalypty ómirge tezirek oralýlaryna tileýlestik bildirgen. Qazirgi ýaqytta gýmanıtarlyq kómek qoımaǵa jetkizildi. Endi aldaǵy ýaqytta oblystyń medıtsınalyq mekemelerine taratylatyn bolady.