Shyǵys Qazaqstan oblysyna qosymsha kúsh pen quraldar jiberildi - TJM

NUR-SULTAN. QazAqparat – Aqmola oblysynda qardyń qarqyndy erýi baıqalady. Bul týraly óńirdiń sý tasqyny jaǵdaıyna júrgizilgen aerovızýaldy zertteýden soń Tótenshe jaǵdaılar mınıstri ıÝrıı Ilın aıtty. Al, ShQO-ǵa qosymsha kúsh pen quraldar jiberildi, dep habarlaıdy QazAqparat vedomstvonyń baspasóz qyzmetine silteme jasap.

Aerovızýaldy zertteý Qosshy qalasynyń, Ilınka, Talapker, Qoıandy kentteri, 42-razezd beketi, Nura ózeniniń arnasy, lımandy sýarý júıesi, Astana kontrrettegishi, Astana sý qoımasy, Preobrajensk gıdrotorabynyń sý tasqyny qaýpi bar ýchaskeleri baǵytynda júrgizildi.

«Jalpy, oblystyń 14 aýdanyndaǵy 53 eldi meken qaýipti aımaqta. Búgingi deıin 1 mln. tekshe metrden astam qar shyǵaryldy, 3 myńnan joǵary sý qurylystary tazartyldy, 500 myń tekshe metrden artyq tasqyn sý buryldy. 3 myń kúsh pen qural sý tasqynyna qarsy is-sharalar atqaryp jatyr. 300 tonnadan astam JJM daıyndaldy», - dedi aerovızýaldy zertteý barysynda Aqmola oblysynyń ákimi Ermek Marjyqpaev.

Tótenshe jaǵdaılar mınıstri ıÝrıı Ilın atap ótkendeı, qardyń qarqyndy erýi baıqalady.

«Astana sý qoımasynyń aınalasyndaǵy barlyq derlik betkeıler ashylyp, belsendi aǵyndar júrip jatyr. Ázirge qar qorlary bar. Sý qoımalaryn toltyrmaý jáne Nur-Sultan turǵyndarynyń jazǵy qajettilikteri úshin sýdy saqtaý boıynsha jumystar júrgizemiz. Tógindilerdi esepteý arqyly temperatýralyq fon men jaǵdaıǵa baılanysty retteımiz», - dedi mınıstr.

Mınıstrliktiń málimdeýinshe, Shyǵys Qazaqstan oblysyna qosymsha kúsh pen quraldar jiberildi. Óıtkeni, Rıdder men Altaı taýly óńirlerinde qardyń qarqyndy erýi múmkin degen boljam bar.

Eske salsaq, Shyǵys Qazaqstan oblysynda 7-9 sáýir kúnderi kósheler men úılerdi sý basý qaýpi kúrt artatyny habarlanǵan bolatyn.

Al, Batys Qazaqstan men Aqtóbe oblystaryndaǵy jaǵdaı qalpyna kele bastaǵan. Turǵyndar úılerine oralyp jatyr. Jergilikti jerlerde zardapty baǵalaý jónindegi komıssııa jumys isteıdi.