Shyǵys Qazaqstan mektepterine jańa oqýlyq engiziledi
Kelesi oqý jylynan bastap Shyǵys Qazaqstan oblysynyń 5-7-inshi synyp oqýshylary Altaı tarıhy, mádenıeti, dástúrleri men turmys-tirshiligi, tańǵajaıyp geografııalyq jáne tarıhı nysandary týraly sııasy keppegen «Ólketaný» oqýlyǵynan bile alady.
Kitapty óńirdegi oqytýshylarǵa onyń avtorlary, S. Amanjolov atyndaǵy Shyǵys Qazaqstan memlekettik ýnıversıtetiniń Qazaqstan tarıhy kafedrasynyń qyzmetkerleri - Janna Áýbákirova, Albına Janbosynova jáne Eleonora Stolıarova tanystyrdy.
«Byltyr QR Bilim jáne ǵylym mınıstrligi týǵan ólke tarıhyn qosa oqyp úırenýdi kózdeıtin oqý baǵdarlamasyn ázirledi. Jalpy bilim beretin pánderdiń mazmunyn keńeıtip, baıytý úshin oqýlyqty orta bilimniń jańartylǵan mazmunyna saı etip qazaq jáne orys tilderinde jazdyq», - deıdi Amanjolov atyndaǵy ShQMÝ Qazaqstan tarıhy kafedrasynyń meńgerýshisi Janna Áýbákirova.
Jańa kitap qazirgi zamannyń talabyna jaýap beredi. Avtorlardyń aıtýynsha, oqýlyq balalardy otanshyldyqqa tárbıeleýmen qatar olardyń zertteýshilik qabiletin qalyptastyrýǵa múmkindik beredi.
«Oqýlyq ásirese, tarıh páni ustazdaryna paıdaly. Kitaptan alynǵan aqparatty olar sabaqta ǵana emes, oqýshylarmen birge mýzeılerge, kıeli oryndarǵa ekskýrsııaǵa shyqqanda da qoldana alady», - deıdi J. Áýbákirova.
Avtorlar ujymy aldaǵy ýaqytta oqý quralyna arnaıy elektrondyq qosymsha jáne qosymsha materıaldardy ázirleýdi josparlap otyr. Aıta keteıik, kitapty jazýǵa jergilikti ǵalymdardan tys, pedagogtar, sýretshiler, mýzykanttar, mýzeı jáne arhıv qyzmetkerleri de óz úlesterin qosqan.