Shyǵarmashylyq oqý oryndarynda qos dıplomdy bilim berý baǵdarlamasy ázirlenedi

ASTANA. QazAqparat – Shyǵarmashylyq oqý oryndarynda jetekshi sheteldik joǵary oqý oryndarymen qos dıplomdy bilim berý baǵdarlamalary ázirlenedi. Bul jaıynda elimizdiń Mádenı saıasatynyń tujyrymdamasyn tanystyrǵan Mádenıet jáne sport mınıstri Ashat Oralov málim etti, dep habarlaıdy QazAqparat tilshisi.

«Shyǵarmashylyq oqý oryndarynda jetekshi sheteldik joǵary oqý oryndarymen qos dıplomdy bilim berý baǵdarlamalary ázirlenedi. Kadr tapshylyǵy máselesin sheshý úshin suranys joǵary mamandyqtarǵa memlekettik bilim berý tapsyrysy qamtamasyz etiletin bolady. Al memlekettik shyǵarmashylyq tapsyrys aıasynda qyzmet kórsetetin mádenıet uıymdarynyń qyzmetkerlerine qoıylatyn biliktilik talaptaryn keńeıtý balalardy kóbirek qamtýǵa kómektesedi. Sondaı-aq, mamandyqtyń ózindik erekshelikteri bar memlekettik mádenıet uıymdarynyń qyzmetkerlerin kezeń-kezeńimen áleýmettik qoldaý is-sharalary qarastyrylady», - dep jazady mınıstr Telegram paraqshasynda.