Shveıtsarııadaǵy áıgili taý shańǵysy kýrortynda qar kóshkini júrip, úsh adam qaza tapty

<p>ASTANA. KAZINFORM - Dúısenbi kúni Shveıtsarııanyń áıgili Tsermatt taý shańǵysy kýrortynda qar kóshkini júrip, úsh adam qaza tapty, taǵy bir adam jaralandy. Bul týraly jergilikti polıtsııa habar taratty, dep jazady <a href="https://russian.news.cn/20240402/d5d913fa2e6c486e89cd27d6a836b8b8/c.html" target="_blank" rel="noopener">Sınhýa</a> agenttigi.</p>

Áleýmettik jelide taraǵan vıdeolardan Alpidegi áıgili kýrort ortalyǵy Tsermattyń Rıffelberg aımaǵyna qulaǵan úlken qar jamylǵysyn kórýge bolady.

Aýa raıynyń qolaısyzdyǵyna qaramastan, qutqarý operatsııasy birden bastalǵanymen, artynsha toqtatyldy, deıdi polıtsııa. Polıtsııa X áleýmettik jelisinde qaza tapqandar sanyn jarııalady, biraq olardyń ulty týraly aqparat joq.

Bılik ókilderi Shveıtsarııanyń ońtústigindegi Alpi taýlarynda qar kóshkini qaýpi joǵary ekenin eskertti.