Shveıtsarııada paranja men nıkab kııýge tyıym salyndy

<p>ASTANA. KAZINFORM &ndash; 2025 jyldyń 1 qańtarynan bastap Shveıtsarııa bıligi qoǵamdyq oryndarda betti tolyǵymen jasyratyn kıim jáne paranja men nıkabty kııýge tyıym saldy, dep habarlaıdy reseılik <a href="https://tass.ru/obschestvo/22809253" target="_blank" rel="noopener">TAS</a>S aqparat agenttigi.</p>

Bul talap oryndalmaǵan jaǵdaıda 100-den 1 myń shveıtsarııalyq frankke deıin (110,2 dollardan 1102 dollarǵa deıin) aıyppul salynady.

Shveıtsarııa halqy 2021 jyldyń naýryz aıynda ótken referendýmda tıisti bastamaǵa daýys berdi. Ol kezde saýalnamaǵa qatysýshylardyń 51,2%-y tyıym salýdy qoldaǵan. Buryn bul shekteý Sankt-Gallen jáne Tıchıno kantondarynda aımaqtyq deńgeıde ǵana qoldanylǵan.

Tyıym nıkab pen paranja sııaqty musylman dinin ustanýshylar kıetin kıimderge, sondaı-aq fýtbol jankúıerleri kıetin kıimge qatysty. Endi olardy dúken, meıramhana, memlekettik mekeme jáne qoǵamdyq kólikte kııýge tyıym salynady. Bul rette betti búrkep turatyn kıimdi áli de ǵıbadat oryndarynda, karnavaldarda nemese sýyqtan qorǵaý úshin kııýge bolady.

Shveıtsarııa prezıdenti Karın Keller-Zýtterdiń aıtýynsha, bul tyıym Shveıtsarııada turatyn 400 myń musylmannyń az ǵana bóligine ǵana áser etedi. Saıasatker atap ótkendeı, olardyń arasynda nıkab kıetin 20-30-ǵa jýyq áıel ǵana bar.

Tyıym salýdyń engizilýimen Shveıtsarııa qazirdiń ózinde uqsas erejeleri bar Eýropa elderiniń tizimine qosyldy. Olardyń qatarynda Aýstrııa, Belgııa, Bolgarııa, Danııa jáne Nıderland bar. Frantsııa birinshi bolyp 2011 jyly betin búrkeıtin kıim kııýge tyıym saldy.

Osyǵa deıin Qyrǵyzstanda paranja kıip, saqal qoıǵandarǵa aıyppul salynatyny týraly jazdyq.