Shveıtsarııa men Italııa muzdyqtardyń erýine baılanysty shekarasyn ózgertedi

<p>ASTANA.KAZINFORM - Eki eldiń shekarasy muzdyqtarmen nemese erimegen qar ýchaskelerimen anyqtalady. Biraq sońǵy jyldarda muzdyqtar kóleminiń kúrt tómendeýi&nbsp; tabıǵı shekaranyń ózgerýine sebep boldy. Bul ózgerister qazirdiń ózinde naqty geografııalyq ózgeristerdi kórsetedi, dep jazady <a href="https://www.bbc.com/russian/articles/cj31lkp6e71o" target="_blank" rel="noopener">BBS.</a></p>

Ózgeriske ushyraǵan aýmaqtyń bir bóligi Eýropadaǵy eń bıik shyńdardyń biri jáne áıgili taý shańǵysy kýrorty Matterhorn baýraıynan ótedi.

Shekara ózgeristeriniń jobasyn 2023 jyldyń mamyrynda shveıtsarııalyq-ıtalııalyq top daıyndaǵan. Shveıtsarııa kelisimdi maquldady, Italııa áli qol qoıǵan joq.

Shveıtsarııa juma kúni shekarany qaıta qaraý eki eldiń ekonomıkalyq múddesine saı keletinin aıtty. Óıtkeni bul olardyń qaısysy tabıǵı aýmaqty ustaýǵa jaýapty ekenin kelisýge kómektesedi.

Shveıtsarııa muzdyqtary 2023 jyly kóleminiń 4 paıyzyn, 2022 jyly 6 paıyzyn joǵaltty. Bul jazdyń ystyq bolýy men qysta qardyń bolmaýyna baılanysty. Ǵalymdar odan ári muzdyqtar tez erıtinin eskertti.

Erigen muzdyqtar ornynan 1986 jyly joǵalyp ketken alpınıstiń jáne 1968 jyly apatqa ushyraǵan ushaq qaldyqtary tabylǵan.