Shveıtsarııa Gúlnár Karımovanyń 370 mln dollar aktıvin tárkiledi

<p>Shveıtsarııa prokýratýrasy Ózbekstannyń burynǵy prezıdentiniń qyzy Gúlnár Karımovaǵa &laquo;Ofıs&raquo; degen atpen tanylǵan halyqaralyq qylmystyq uıymnyń basshysy boldy degen aıyp taqty.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly&nbsp;<a href="https://www.bbc.com/russian/articles/c7254l696jlo" target="_blank" rel="noopener">VVS</a>-ge silteme jasap habarlaıdy.</p>

Prokýrorlardyń sózinshe, 51 jastaǵy Karımova jemqorlyq, alaıaqtyq pen uıymdasqan qylmysqa qatysty aýqymdy istiń basynda bolǵan.

Ol Ózbekstannan júzdegen mıllıon dollardy urlap, álemdegi kompanııa basshylary men sheneýnikterdi júıeli túrde satyp alyp otyrǵan dep aıyptaldy. Sondaı-aq oǵan Shveıtsarııada ornalasqan birqatar kompanııa men bank shottary arqyly zańsyz jolmen aqsha jymqyrdy degen qylmys qosyldy.

Tergeý nátıjesinde Shveıtsarııa bıligi onyń aktıvindegi Ózbekstanǵa qaıtarylýy kerek 340 mln shveıtsarııa frankyn (370 mln AQSh dollary) tárkiledi. Taǵy 440 mln frankten astam qarjyny paıdalanýǵa tyıym salynǵan, ázirge tergeý jalǵasyp jatyr.

Karımovanyń shveıtsarııalyq advokaty ol «barlyq aıyptaýǵa kelispeıdi jáne ózin aqtaý úshin kúresedi» dep málimdedi.

Gúlnár Karımovaǵa qatysty osyǵan uqsas aıyp Ulybrıtanııada da taǵylǵan bolatyn. El bıligi onyń quny 20 mln fýnt sterlıngten asatyn múlkin – Londonnyń Belgravııa aýdanyndaǵy eki páteri men Sýrreı graftyǵyndaǵy jekejaıyn tárkiledi. London soty bul múliktiń bári qylmystyq jolmen tabylǵan, ıaǵnı ózbek naryǵyna shyǵýǵa kómektesý úshin telekommýnıkatsııa kompanııalarynan alǵan paraǵa alyndy dep qorytty.

Sondaı-aq aıta keteıik, buǵan deıin Shveıtsarııa Gúlnár Karımovanyń aktıvterin Ózbekstanǵa qaıtarý týraly kelisimge qol qoıǵan bolatyn.