Shveıtsarııada Semeı polıgony jabylýynyń 30 jyldyǵyna oraı birqatar sharalar ótti

BERN. QazAqparat – Shveıtsarııa astanasynyń ortalyǵynda Semeı ıadrolyq polıgonynyń jabylýynyń 30 jyldyǵyn atap ótý sheńberinde brıtan prodıýseri Andre Sıngerdiń «Jel qaıdan soqqan edi» derekti fılminiń kórsetilimi men tanymal qazaqstandyq sýretshi, ıadrolyq qarýsyzdaný úshin halyqaralyq qozǵalystyń belsendi qaıratkeri Káripbek Quıyqovtyń «Kógildir shuǵyla» ataýyndaǵy kartınalarynyń kórmesi bolyp ótti. Bul týraly QazAqparat QR SІM baspasóz qyzmetine silteme jasap habarlaıdy.

«Casino Bern» atty tarıhı ǵımaratta ótken is-sharaǵa Shveıtsarııanyń syrtqy saıasat vedomstvosynyń resmı tulǵalary, dıplomatııalyq korpýs, Tsıýrıh ýnıversıtetiniń professorlar jáne oqytýshylar quramy men stýdentteri, iskerlik qaýymdastyq, mádenıet salasynyń, BAQ ókilderi jáne qazaqstandyq otandastar qatysty.

Shveıtsarııadaǵy Qazaqstan Elshisi Álibek Baqaev resmı bólimdi asha otyryp, is-sharanyń negizgi maqsaty – ıadrolyq synaqtardyń saldarlary jáne Elbasy Nursultan Nazarbaev qabyldaǵan polıgondy jabý týraly sheshimniń mańyzdylyǵy týraly halyqty habardar etý, sondaı-aq ıadrolyq qarýdan tolyq bas tartý úshin birlesken kúsh-jigerdi jandandyrý ekenin aıtty. Elshi sondaı-aq Prezıdent Qasym-Jomart Toqaev memleketimizdiń beıbitsúıgish syrtqy saıasatyn jalǵastyryp, Qazaqstan 2045 jylǵy BUU 100 jyldyǵyna deıin ıadrolyq qarýda azat álem qurý jolyndaǵy kóshbasshylar qatarynda qala beretinin atap ótti.

Іs-sharanyń arnaıy qonaǵy – «Bazel álem ofısiniń» (Basel Peace Offices) dırektory Alan Vare ózi týmasy bolyp tabylatyn Jańa Zelandııa ornalasqan óńirdiń AQSh, Frantsııa jáne Ulybrıtanııa ıadrolyq synaqtarynan qalaı zardap shekkeni týraly áńgimeledi. «Alaıda Semeı polıgonyndaǵy ıadrolyq synaqtar barynsha aýqymdy jáne qarqyndy boldy» dedi ol.

«Álem boıynsha Halyqaralyq ıadrolyq synaqtarǵa qarsy is-qımyl kúnine oraılastyrylǵan jyl saıynǵy is-sharalardy ótkizýde Qazaqstanmen yntymaqtasý biz úshin úlken qurmet. Máselen, bıyl uıymdastyrylǵan Qazaqstan, ıAdrolyq synaqtarǵa jalpy tyıym salý týraly shart uıymynyń Daıyndyq komıssııasy, BUU-nyń qarýsyzdaný jónindegi basqarmasy jáne «Youth Fusion» úkimettik emes uıymymen birlese arnaıy jastar aktsııasyn qoldaımyz» – dep atap ótti spıker.

Shveıtsarııa Syrtqy ister federaldyq mınıstrliginiń qarýlanýdy, qarýsyzdanýdy jáne ıadrolyq qarýdy tarartpaýdy baqylaý bólimi basshysynyń orynbasary Reto Volleman óz kezeginde Nur-Sultan men Bernniń osy salady uqsas saıasat júrgizip otyrǵanyn ataı kele, Qazaqstannyń denýklerızatsııa jáne ıadrolyq qarýdy taratpaý salasyndaǵy kúsh-jigerin joǵary baǵalady.

Іs-sharaǵa qatysýshylar Qazaqstannyń Semeı ıadrolyq polıgonyn jabý, qýaty boıynsha álemde tórtinshi orynda bolǵan ıadrolyq arsenaldan erikti bas tartýy týraly sheshimderdiń tarıhı mańyzyn atap ótti jáne Qazaqstannyń ıadrolyq qarýsyzdaný jáne ıadrolyq qarýdy taratpaý salasyndaǵy bastamalaryna joǵary baǵa berdi.

K. Kýıýkov týyndylarynyń kórmesi de zor qyzyǵýshylyq týdyrdy. Sýretshi taǵdyrynyń jáne onyń ıadrolyq jarylystar taqyrybyndaǵy kartınalarynyń biregeıligi is-shara qonaqtaryna erekshe áser qaldyrdy.