Shveıtsarııada koronavırýs pandemııasynyń besinshi tolqyny bastaldy

NUR-SULTAN. QazAqparat - Shveıtsarııada COVID-19 pandemııasynyń besinshi tolqyny bastaldy. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.

Eldiń densaýlyq saqtaý mınıstrliginiń basshysy Alen Berse indettiń taralýy barlyq shveıtsarııalyqtardyń áreketterine baılanysty bolatynyn aıtty. Bir aı ishinde Shveıtsarııada ınfektsııa juqtyrǵandardyń kúndelikti ósýi tórt esege artty. Bir táýlik ishinde elde koronavırýs juqtyrýdyń 6017 jańa jaǵdaıy anyqtaldy. Ótken aptada koronavırýspen aýrýhanaǵa jatqyzylǵan naýqastardyń sany 25%-ǵa ósti, koronavırýstan qaıtys bolǵandar sany 80% artyp, aptalyq kórsetkish 53 jetti.

Gretsııada vaktsına almaǵan adamdarǵa kınoteatrlarǵa, murajaılarǵa jáne sport mekemelerine barýǵa tyıym salynady. Gretsııa bıligi kelesi aptadan bastap COVID-19-ǵa qarsy vaktsına almaǵan adamdar úshin qatań shekteý sharalaryn engizedi, dep málimdedi Gretsııa premer-Mınıstri Kırıakos Mıtsotakıs. Jańa erejeler 22 qarashada bastap kúshine enedi.
Slovakııa men Chehııa koronavırýsqa qarsy vaktsına almaǵan azamattarǵa shekteýler engizedi. Chehııa bıligi vaktsınatsııadan ótpegen adamdar úshin shekteýlerdi kúsheıtedi. Slovakııa Premer-Mınıstri 22 qarashadan bastap úsh aptaǵa «vaktsına almaǵan adamdarǵa lokdaýn» engiziletinin málimdedi. Osy kúnnen bastap tek koronavırýsqa qarsy tolyq vaktsına kýrsyn alǵan nemese sońǵy alty aıda koronavırýspen aýyryp emdelip shyqqan adamdar ǵana meıramhanalarǵa, saýda ortalyqtaryna, sport mekemelerine, birinshi muqtajdyqtaǵy emes taýarlardy satatyn dúkenderge baryp, jappaı is-sharalarǵa qatysa alady. Jumysqa barý úshin olar aptasyna eki ret test tapsyrýy kerek. Іndet taralýynyń kúsheıgen aımaqtarda tamaqtaný, sport klýbtary, sulýlyq salondary men qonaq úıler tolyǵymen jabylady.