Shveıtsarııa halqy referendýmda vaktsına sertıfıkatynyń QR-kodyn qoldady

BRıÝSSELЬ-BERN. QazAqparat – Shveıtsarııa turǵyndary bıyl ulttyq referendým barysynda sońǵy ret daýys berdi. Ótken jeksenbi kúni ortaǵa úsh suraq tastaldy, alaıda adamdardyń nazary COVID-19 týraly zańnamaǵa engiziletin ózgeristerde boldy, dep habarlaıdy QazAqparat Swissinfo saıtyna silteme jasap.

Referendýmnyń sońǵy qorytyndysyna saı, daýys berýshilerdiń 62%-y vaktsınalaý sertıfıkatynyń QR-kodyn paıdalanýdy zańdy etýdi qoldady.

Bul qujatta vaktsınatsııa, testileý jáne antıdeneler týraly aqparat bolady. Mundaı qujaty bar adamdar qoǵamdyq sharalarǵa qatysa alady.

«Kovıd týraly zańnama boıynsha birmándi nátıje kútemiz. Bul oraıda meniń senimim artyp keledi», - dedi Argaý kantonynyń Ulttyq keńesiniń (parlamenttiń úlken palatasy) depýtaty, QR-kodty jaqtaýshylar komıtetiniń ókili Marıanna Bınder.

Bul - Shveıtsarııadaǵy «Pandemııamen kúres jónindegi sharalar týraly» zańǵa arnalǵan ekinshi referendým.

Maýsym aıynda daýys berýshilerdiń 60%-y qabyldanǵan sharalardy qoldaǵan edi.

Shveıtsarııalyq BAQ-tyń baqylaýynsha, ol kezde bárinen buryn sanıtarlyq sharalardy qarjylandyrý men bıznesti qoldaý máselesi talqylanǵan bolatyn.