Shvetsııadan Kazaqstanǵa esirtki tasymaldaǵan kúdikti 18 jylǵa sottaldy

<p>ASTANA. KAZINFORM - Astanada Shvetsııadan Kazaqstanǵa esirtki tasymaldaǵan "D" esimdi azamat 18 jylǵa sottaldy, dep habarlaıdy QR Bas prokýratýrasynyń baspasóz qyzmeti.&nbsp;</p>

"25.07.2024 jyly Astana qalasynyń mamandandyrylǵan aýdanaralyq qylmystyq ister jónindegi soty halyqaralyq esirtki tasymaldaý shemasyna qatysy bar "D" esimdi azamatqa qatysty úkim shyǵardy.

Sottalýshy Shvetsııadan 479 gramm asa iri kólemde gashısh jetkizýdi uıymdastyryp, ony qujattar qorabyna jasyrdy. Esirtki betbelgi júıesi arqyly esirtkige táýeldi adamdar arasynda odan ári saqtaýǵa jáne taratýǵa arnalǵan" delingen habarlamada.

Sotta memlekettik aıyptaýshy kináni dáleldeıtin aıǵaqtardy keltirdi. Quqyq qorǵaý organdarynyń jedel áreketteriniń arqasynda 500 dozadan astam esirtkiniń taralýyn boldyrmaýǵa múmkindik týdy.

Sot protsesi sottalýshyny biraýyzdan kináli dep tanyǵan alqabılerdiń qatysýymen ótti. Sot ony 18 jylǵa bas bostandyǵynan aıyrdy.

Úkim zańdy kúshine engen joq.