Shvetsııada nemere baqqan ata-ájelerge aqsha tólenedi

<p>ASTANA. KAZINFORM &ndash; Shvetsııada ata-ájeleri nemerelerin baqqany úshin memleketten aqshalaı járdemaqy alýda. Tıisti zań bıyl jazda kúshine endi, dep habarlaıdy&nbsp;<a href="https://ru.euronews.com/my-europe/2024/09/26/grandparents-in-sweden-can-now-be-paid-t?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.&nbsp;&nbsp;</p>

Barlyq ákimshilik demarshtardy Shvetsııanyń Áleýmettik saqtandyrý agenttigi sheshýde. Bul – otbasylar úshin úlken kómek.

Shvetsııada bala kútimine arnalǵan demalys týraly jańa erejege saı, ata-analarǵa 45 kúnge deıin aqyly demalysyn balanyń zańdy qamqorshysy emes adamǵa aýdarýǵa múmkindik beriledi. Jalǵyzbasty ata-analar bir balaǵa 480 kúndik aqyly demalystyń 90 kúnin aýdara alady. 

Shvetsııanyń áleýmettik saqtandyrý agenttigi ókiliniń aıtýynsha, jańa zań ata-analardyń jumys pen jeke ómiri arasyndaǵy tepe-teńdikti jaqsartýǵa jáne genderlik teńdikti nyǵaıtýǵa baǵyttalǵan. Zańdy usynǵan mınıstr Shvetsııa búkil Eýropaǵa úlgi bolady dep úmittenedi.

«Bul búkil Eýropa úshin jaqsy úlgi bola alady dep oılaımyz. Osylaısha jastardy balaly bolýǵa, sonymen birge eńbek naryǵynda qalyp, belsendi jumys júrgizýge yntalandyrýǵa bolady», - dedi eldiń Áleýmettik qamtamasyz etý mınıstri Anna Tene.

Áleýmettik saqtandyrý agenttiginiń agenttikke habarlaýynsha, tamyz aıynyń sońyna qaraı 1500-ge jýyq shved azamaty jańa zań usynǵan múmkindikterdi paıdalandy.