Shvetsııada alǵash ret dıabetke jasýshalyq terapııa qoldanylmaq

<p>ASTANA. KAZINFORM &ndash; Shved ǵalymdary 1 tıpti dıabetti emdeýde mańyzdy qadam jasady. Bul týraly <a href="https://azertag.az/ru/xeber/v_shvecii_vpervye_primenili_kletochnuyu_terapiyu_dlya_diabeta-3366243" target="_blank" rel="noopener">AZƏRTAC</a> agenttigi jazdy.&nbsp;&nbsp;</p>

Alǵash ret álemde bul aýrýmen aýyratyn naýqasqa ımmýnıtetti basatyn dárilerdi qoldanýdy qajet etpeıtin genetıkalyq modıfıkatsııalanǵan jasýshalar kóshirildi. Bul jańalyq jańa, qaýipsiz jáne tıimdi emdeý ádisin jasaýǵa negiz bola alady.

Shvetsııada shamamen 50 000 adam 1 tıpti dıabetpen aýyrady, olardyń kópshiligi qandaǵy qant deńgeıin baqylaý úshin ınsýlın ınektsııalaryn nemese sorǵylaryn paıdalanady. Aýyr formadaǵy naýqastarǵa ınsýlın shyǵaratyn jasýshalardy transplantatsııalaý múmkindigi bar, biraq ımmýnıtetti basatyn dárilerdi ómir boıy qabyldaý qajettiligi bul ádisti qaýipti etedi. Sebebi ol ınfektsııalar, rak týdyryp, búırektiń asqynýyna ákelýi múmkin.

Ýppsala ýnıversıtetiniń professory Pe-Ola Karlsson jetekshilik etetin zertteý toby jańa tásil oılap tapty. Olar donorlyq jasýshalardy CRISPR-Cas12b tehnologııasyn qoldana otyryp modıfıkatsııalady, sondyqtan ımmýndyq júıe olardy bógde dep tanymady. Eksperımentke qatysqan naýqas bul jasýshalardy bilektiń bulshyqetterine ornalastyryp, ımmýnıtetti basatyn dárilersiz aldy. Bir aı ótkennen keıin jasýshalar jumys istep, ınsýlın óndire bastaǵany, olardyń sátti beıimdelgenin kórsetti.

Zertteýdiń kelesi kezeńi – jasýshalardy jappaı óndirý tehnologııasyn ázirleý, óıtkeni donorlyq jasýshalardyń sany shekteýli. Eger aldaǵy zertteýler dál osyndaı tabysty nátıje kórsetse, jańa jasýshalyq terapııa 1 tıpti dıabetti emdeýdiń tóńkeristi ádisine aınalýy múmkin. Bul emdeý ádisin 5-10 jyl ishinde keń aýqymda qoldanýǵa bolady dep kútiledi.