Shvetsııadaǵy kenishte tabylǵan meteorıt zertteldi

ASTANA. QazAqparat - Shvetsııanyń áktasty karerleriniń birinde 2011 jyly meteorıt synyǵy tabyldy. Onyń dıametri shamamen 8 sm. Oǵan Öst 65 (Österplana 065) degen ataý berilip, aspan denesin amerıkalyq jáne shvetsııalyq geofızıkter zerttedi, dep jazady National Geographic jýrnaly.

Nature Communications jýrnalyna jarııalanǵan qorytyndy maqalada ǵalymdar shamamen 470 mıllıon jyl buryn asteroıdtar beldeýinde Mars jáne ıÝpıter arasynda eki meteorıt soqtyǵysyp, synyqtardyń biri Jerge qulaǵan dep túsindirdi. Bular meteorıttiń  «joǵalǵan túrine» jatady. Qazir Jerge qulaıtyn meteorıtterdiń quramy ózgeshe.

«Joǵalǵan» meteorıtterdi ǵalymdar áli de taýyp jatyr. Shvetsııalyq tas kenishinen jerde tabylǵan meteorıt ordovık júıesine - paleozoı tobynyń qaldyqtar keshenine jatady.  Ony zertteý sol kezdegi ǵarysh nysandarynyń qalyptasýyn Kún júıesinde bolǵan ejelgi úderisterdi túsinýge múmkindik beredi.