Shvetsııada el tarıhynda alǵash ret áıel premer-mınıstr saılandy

STOKGOLЬM. QazAqparat – Magdalena Andersson Shvetsııa tarıhyndaǵy birinshi áıel premer-mınıstr atandy. Shvetsııa bul oqıǵaǵa deıin Skandınavııa elderiniń ishinde ult kóshbasshysy retinde áıeldi saılap kórmegen jalǵyz el bolatyn, dep habarlaıdy QazAqparat BBC-ge silteme jasap.

54 jastaǵy Magdalena Anderssondy bul qyzmetke Shvetsııa parlamenti bekitti. Ol Stefan Levenniń ornyna keldi. Shved zańyna saı, premer-mınıstr bolý úshin parlament músheleriniń basym bóligi qarsy daýys bermeýi kerek.

Shvetsııanyń Sotsıal-demokratııalyq jumysshy partııasynyń kóshbasshysy Magdalena Manderssondy tańdaýǵa 174 depýtat daýys berdi. Bul depýtattardyń jartysynan az. 117 depýtat Manderssonnyń kandıdatýrasyn qoldap, taǵy 57-si daýys berýden bas tartty. Osylaısha, eldiń jańa premer-mınıstri az aıyrmashylyqpen jeńiske jetti.

Saılaý qorytyndysy belgili bolǵannan keıin Sotsıal-demokratııalyq jumysshy partııasynyń kóshbasshysyna Rıksdag qabyrǵasynda qurmet kórsetildi.

Andersson mamandyǵy boıynsha – ekonomıst. Ol Stokgolm ekonomıka mektebin támamdap, 1992 jyly iskerlik ákimshilik jáne ekonomıka salasyndaǵy ǵylym bakalavry dárejesin alǵan. 1995 jyly ol oqýyn Gardardta jalǵastyrdy.

Ol saıası mansabyn 1996 jyly premer-mınıstr Ioran Perssonnyń saıası keńesshisi retinde bastaǵan. 2014 jyly Andersson Shvetsııanyń qarjy mınıstri atandy. Oǵan deıin bul laýazymda da áıelder bolmaǵan.