Shvetsııada attraktsıonda poıyz relsten shyǵyp ketken, bir áıel qaıtys boldy

ASTANA. QazAqparat - Stokgolmdegi Gröna Lund oıyn-saýyq saıabaǵynda amerıkalyq tóbeshik attraktsıonynda bolǵan oqıǵa kezinde bir adam qaza taýyp, toǵyz adam jaraqat aldy, dep habarlaıdy QazAqparat Euronews-ke silteme jasap.

Jetline attraktsıony relsten shyǵyp ketip, ishindegi adamdar jerge qulaǵan.

35 jastaǵy áıel qaıtys boldy. Zardap shekkenderdiń barlyǵy aýrýhanaǵa jetkizildi. Úsheýiniń jaǵdaıy aýyr.

Osydan keıin saıabaq belgisiz merzimge jabyldy. Oqıǵa ornyna jedel járdem, qutqarýshylar men tikushaq keldi.

Gröna Lund saıtynda qaıǵyly oqıǵa bolǵan Jetline tóbeshiginiń jyldamdyǵy 90 km/saǵ jetýi múmkin ekeni aıtylǵan.

Onyń bıiktigi - 30 metr. Oǵan jyl saıyn mıllıon adam minedi.