Shvetsııada 65 jastan asqan turǵyndardyń 89%-y COVID-19-ǵa qarsy vaktsına aldy

NUR-SULTAN. QazAqparat - Shvetsııa egde jastaǵy adamdardy ımmýndaý qarqyny boıynsha Eýropada kósh bastap tur, dep habarlaıdy COVID-19 taralýyna jol bermeý jónindegi VAK baspasóz qyzmeti.

65 jastan asqan turǵyndardyń 89%-y COVID-19-ǵa qarsy ımmýndaýdan tolyq ótti. Osyǵan baılanysty eldiń Qoǵamdyq densaýlyq saqtaý agenttigi «AstraZeneca» vaktsınasyn aımaqtarǵa jiberýdi toqtatý týraly sheshim qabyldady, sebebi bul preparat tek qart azamattardy egýge arnalǵan.

«AstraZeneca» preparatyna degen asa qajettilik joq, sol sebepti el Úkimetiniń sheshimi boıynsha qaıyrymdylyq sharasy aıasynda úlestiriletin bolady.