Shvartseneggerdiń júregine taǵy da ota jasaldy

<p>ASTANA. KAZINFORM &ndash; &laquo;Termınator&raquo; fılmindegi róli arqyly kópshilikke jaqsy tanys bolǵan 76 jastaǵy amerıkalyq akter jáne bodıbılder Arnold Shvartseneggerdiń júregine kezekti ota jasaldy. Bul týraly akter <a href="https://www.menshealth.com/health/a60294076/arnold-schwarzenegger-pacemaker-heart-surgery/" target="_blank" rel="noopener">Men&rsquo;s Health basylymyna bergen suhbatynd</a>a aıtty.</p>

Suhbat barysynda Shvartsenegger kardıostımýlıator ornatylǵanyn aıtty. Akter «Termınator» fılmindegi róline uqsap, aqyryndap robotqa aınalyp bara jatqanyn ázilmen tuspaldaǵan.

– Men týyp-ósken Avstrııada er adamdar densaýlyǵyna qatysty máselelerdi aıtýdy asa bir ádetke aınaldyrmaǵan, – deıdi ol.

Akterdiń buǵan deıingi otalarynyń áseri júrek soǵysynyń buzylýyna sebep bolǵan. Sondyqtan kardıostımýlıatordyń qajettiligi týyndady.

Shvartsenegger, sonymen qatar, operatsııaǵa baılanysty aýyr jattyǵýlardy toqtatqan. Soǵan qaramastan ol bir aıdan keıin jattyǵýǵa qaıta oralýdy josparlap otyrǵanyn aıtty.

Aqparat úshin, Shvartsenegger alǵash ret týa bitken júrek aqaýyna baılanysty 1997 jyly júregine ota jasatqan. Akter 2018 jáne 2020 jyldary da osyndaı otalardy bastan keshirdi.