Shúmenov pen Jaqııanov WBN P4P-reıtınginiń TOP-elýine ilikpedi

ASTANA. Qazaqparat  -  WorldBoxingNews.net saıty sáýir bastalar aldynda boksshylardy salmaq sanatyna bólip,  óziniń pound-for-pound  (salmaq sanatynan tys)  jańartylǵan nusqasyn jarııalady, dep habarlady Sports.kz.

Budan buryn habarlanǵandaı, orta salmaqtaǵy qazaqstandyq boksshy  Gennadıı Golovkın (37-0, 33 KO) óz dıvızıonynda - birinshi, al jalpy reıtıngte úshinshi orynda tur. Onyń aldyna jartylaı aýyr salmaqtaǵy amerıkalyq Andre Ýord  (31-0, 15 KO) pen   jartylaı orta salmaqtaǵy fılıppındik boksshy Mennı Pakıao (59-6-2, 38 KO) ǵana shyǵyp otyr.

Sondaı-aq   World Boxing News tiziminde  dıvızıon boıynsha taǵy eki qazaqstandyq bar, olar  Janat Jaqııanov (27-1, 18 KO) pen Beıbit Shúmenov (17-2, 11 KO). Jaqııanov jeńil salmaqtylar reıtınginde besinshi orynǵa jaıǵasty.  Shúmenov birinshi aýyr salmaqtaǵy boksshylar arasynda - tórtinshi tur.  Óz salmaq dárejesinde aldyńǵy qatarda bolǵanyna qaramastan, qazaqstandyq eki boksshy  saıt nusqasy boıynsha reıtıngke ilikpegen.