ShUǴYL: Statıstıka agenttiginiń burynǵy tóraıymy A.Meshimbaeva Qazaqstanǵa ekstradıtsııalandy

ASTANA. 7 qyrkúıek. QazAqparat - Búgin qazaqstandyq quqyq qorǵaý organdarynyń ókilderi Statıstıka agenttiginiń burynǵy tóraıymy Anar Meshimbaevany Máskeý qalasynan Astana qalasynyń áýejaıyna alyp keldi, dep habarlaıdy Qazaqstan Respýblıkasy Bas prokýratýrasynyń baspasóz qyzmetinen.

Ony senip tapsyrylǵan bóten múlikti ysyrap etkeni (QR QK 176-babynyń 3-bóliginiń «b», «g» tarmaqtary), sondaı-aq qyzmettik ókilettigin teris paıdalanǵany úshin qylmystyq jaýapkershilikke tartý maqsatynda Qazaqstan Respýblıkasy Bas prokýratýrasynyń suratýy boıynsha Reseı Federatsııasynyń Bas prokýratýrasy berdi.

«A.Meshimbaevany berý Azamattyq, otbasylyq jáne qylmystyq ister jónindegi quqyqtyq kómek jáne quqyqtyq qatynastar týraly Konventsııa sheńberinde júrgizildi.

Reseı Federatsııasynyń Bas prokýratýrasy quqyqtyq kómek kórsetý jáne izdestirýde júrgen tulǵalardy ekstradıtsııalaý máselelerindegi Qazaqstan Bas prokýratýrasynyń negizgi seriktesi bolyp tabylady. Quqyq qoldaný qyzmetindegi qazaqstandyq-reseılik qarym-qatynastar tatý kórshilik, tyǵyz ózara is-qımyl jáne ózara túsinistik qaǵıdalarynda júzege asyrylady. Eki vedomstvonyń kelisilgen áreketteri kóptegen máselelerdi tez jáne tıimdi sheshýge múmkindik beredi, bul qylmyspen kúrestegi ortaq maqsattarǵa sáıkes keledi», - delinedi habarlamada.

Prokýratýra aqparatyna sáıkes, qazirgi ýaqytta A.Meshimbaeva Astana qalasy ІІD ýaqytsha ustaý abaqtysyna jabyldy.

Qylmystyq isti tergeýdi Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi júrgizetin bolady.