ShUǴYL: «Samuryq-Qazyna» Qory aǵymdaǵy jyly 2032, al 2013 jyly 2179 qyzmetkerin qysqartpaq
Bul týraly búgin atalǵan qordyń basqarma tóraǵasy Ómirzaq Shókeev málim etti.
«Ótken kezeńderde biz kompanııanyń qurylymdary men qyzmetkerlerin ońtaılandyrý máselesine zor kóńil bóldik. Aqyry sońynda bul kezeńdegi barlyq máselelerdi sheshtik jáne barlyq enshiles kompanııalardyń basshylarymen hattamaǵa qol qoıdyq. Onda 2012 jyly «Qazmunaıgaz» AQ boıynsha 623, «Qazaqstan temir joly» kompanııasynyń ortalyq apparatynan 135 jáne qosymsha kompanııalar tobynan 2013 jyly 1815, «QazAtomónerkásip» AQ-dan 235, 2013 jyly qosymsha 239 qyzmetkerdi qysqartý kózdelgen», - dedi ol.
Sonymen qatar onyń aıtýynsha, «Qazaqtelekom» osy jyly 286, al 2013 jyly 287 qyzmetkerin, «Samuryq Energo» kompanııasy aǵymdaǵy jyldyń sońyna deıin 250, «Qazposhta» 253, «Qazınjenırıg» 120 qyzmetkerin qysqartpaq.
«Nátıjesinde bul toptar boıynsha ákimshilik-basqarý qyzmetkerleri sanynyń 2012 jyly 2032, al 2013 jyly 2179 birlikke qysqarýyna múmkindik beredi», - dedi qor basshysy.