ShUǴYL: QR SІM Bostonda ustalǵan qazaqstandyq stýdentter týraly málimdeme jasady

ASTANA. 22 sáýir. QazAqparat - Bostondaǵy lańkestik aktini uıymdastyrǵan basty kúdiktiler anyqtalǵannan keıin AQSh quqyq qorǵaý organdary olarǵa jaqyn jáne tanys bolýy múmkin adamdardy tekserýge kiristi.

Ásirese, quqyq qorǵaý organdary kúdiktilermen birge oqyǵan jáne qandaı da bir jaǵdaımen olarmen qatynasta bolýy múmkin stýdentterden jaýap aldy.

«Júrgizilip otyrǵan tekseris aıasynda qazaqstandyq eki stýdenttiń oqý barysynda AQSh-tyń vızalyq rejımin buzǵandyǵy anyqtalyp, osyǵan oraı mán-jaı tolyq anyqtalǵansha olar ustalyp otyr. Qazirgi ýaqytta bizdiń konsýlymyz Boston qalasyna jetip, AQSh-tyń bılik organdarymen yntymaqtasýda jáne ustalǵan stýdenttermen jáne olardyń otbasylarymen baılanysta. Qazaqstandyq dıplomattar olarǵa advokat taýyp berý máselesinde qolǵabys kórsetýde»,-delingen QR SІM málimetterinde.

QR Syrtqy ister mınıstrligi AQSh Memlekettik departamenti jáne Astanadaǵy Elshiligimen osy másele boıynsha baılanysta.

«Bul másele boıynsha AQSh memlekettik organdarymen yntymaqtastyqqa ashyq ekenimizdi qaıta rastap, Qazaqstan lańkestikti jáne onyń kez kelgen túrlerin qatań túrde aıyptaıtynyn basa aıtamyz»,-dep atap ótilgen mınıstrlik taratqan habarlamada.